Man can not grow in a comfort zone.||Motivational speech hindi<br /><br />POWERFUL MOTIVATIONAL VIDEO By Sandeep Maheshwari | Best Motivational Speech in Hindi<br /><br />Kuch bada karna hai... Toh apni raah khud chuno...<br />Bhed bakriyon ki tarah nahi... Sher ki tarah chalo...<br />Kitna bhi kathin ho raasta... har haal mein... aage badho!!!<br /><br />Yeh duniya tumhe daraayegi... sataayegi… rulayegi...<br />Har roz ek naya roop dikhayegi... <br />Par jis din tum apni manzil ko paaoge...<br />Tab ye hi duniya... Naam tumhaara japte japte…<br />Peechay peechay aayegi!!!<br /><br />Badi se badi rukawat ko... Samajhdaari se paar karo...<br />Apne andar ki kamzori par... Poori taakat se vaar karo…<br />Choti pad jaaye har ek chunauti... Aise khud ko taiyaar karo!!!<br /><br />Kuch paana hai toh kuch khona hoga…<br />Hasna hai… toh rona hoga...<br />Chamakna hai agar sone ki tarah... toh aag mein khud ko tapaana hoga... <br />Badalna chahte ho apni zindagi... Toh sabse pehle... <br />Khud ko badalna hoga!!!<br /><br />Bhool jao tum kaun ho... Bas ek baat ko yaad rakho...<br />Sabse pehle hai apna kaam… Baaki sab uske baad rakho…<br />Tumhari puraani aadatein... Tumhe neeche girayengi... <br />Thode se maze ke badle... Tumhara sab kuch loot kar le jaayegi...<br />Lekin tum is jaal mein mat fasna... Apna dhyaan sirf aur sirf... <br />Apne lakshya par rakhna.... Tumhara lakshya hai khud ko behtar karna...<br />Aur is duniya ke liye ek misaal kaayam karna!!!
